Æfingar yfir jólafríið

fimmtudagurinn 20.12 - kl. 15.00-16.20
föstudagurinn 21.12. - kl. 12.30-14.00
laugardagurinn 22.12. kl. 10.00-11.00
fimmtudagurinn 27.12. kl. 11.00-12.30
föstudagurinn 28.12. kl. 10.00-11.00

kveðja,
Ívar

Æfing á morgun, fimmtudag, byrja kl. 15.00

Æfingin á Ásvöllum á morgun, þriðjudag, mun byrja 30 mín. fyrr eða kl. 15.00. Hún mun verða jafnlengi, eða til kl. 16.20.

kveðja,
Ívar

Búið að draga í 8 liða úrslitum bikars

Við drógumst á móti Kormáki/Laugdælir - Fjölnir. Þeirra leikur á eftir að fara fram og við keppum við sigurverann úr þeirri viðureign - líklega verður það Fjölnir.

Þetta er útileikur og hann á að spilast á tímabilinu 4 - 16 janúar.

kveðja,
Ívar

Æfing í dag fellur niður

Æfing í dag, þriðjudaginn 18.12, fellur niður. Það er leikur hjá unglingaflokki á Ásvöllum í kvöld og kemst ég því ekki á æfinguna. Ég mun bæta við æfingu í staðinn, læt vita af því fljótlega.

kveðja,
Ívar

Æfing í dag, laugardag, kl. 15-16 á Ásvöllum

Það er aukaæfing hjá okkur í dag á Ásvöllum kl. 15-16. Förum yfir það sem við ætlum að leggja áherslu á í bikarleiknum á móti FSU á morgun.

kveðja,
Ívar

Bikarleikur á móti FSU á sunnudaginn 16. des.

Bikarleikurinn verður á Ásvöllum á sunnudaginn, þann 16, kl. 13.15. Mæting er á Ásvelli kl. 12.30.

kveðja,
Ívar

Haukar - FSU í bikarnum

Búið er að draga í bikarnum og við fengum FSU (Selfoss) í 16 liða úrslitum. Hægt er sjá bikardráttinn á vef körfuknattleikssambansins www.kki.is. Ekki er búið að setja leikinn á en það þarf að vera búið að spila hann fyrir 16. desember. Læt vita um leið og það er komið í ljós.

kveðja,
Ívar

Æfingaleikur í dag við Breiðablik

Í dag, miðvikudag, verður æfingaleikur við Breiðablik á Ásvöllum kl. 19.30 - 21.00. Allir að vera tilbúnir kl. 19.30.

kveðja,
Ívar

Fjölliðamót nr. II

Því miður fengum við ekki mótið þar sem sjónvarpsleikur í handbolta var fluttur yfir á laugardag. Við spilum í staðinn í Ásgarði, Garðabæ. Gott hús og það verður bara gaman að spila þar.

Leikirnir hjá okkur eru eftirfarandi:

24-11-2012 09:30	Haukar 9. fl. dr.	Sýnishorn	KR b 9. fl. dr.	Ásgarður
24-11-2012 13:15	Haukar 9. fl. dr.	Sýnishorn	FSu/Hrunamenn 9. fl. dr.	Ásgarður
25-11-2012 12:15	Haukar 9. fl. dr.	Sýnishorn	Stjarnan 9. fl. dr.	Ásgarður
25-11-2012 16:00	Fjölnir 9. fl. dr.	Sýnishorn	Haukar 9. fl. dr.	Ásgarður

Það er mæting á laugardeginum kl. 8.50 og á sunnudeginum kl. 11.15.

Við eigum fyrsta leik á móti KRb sem vann C riðilinn og þurfum að koma vel vaknaðir í þann leik. Allir að fara snemma að sofa á föstudagskvöldið og vera byrjaðir að borða hollan morgunmat um kl. 8.00 - ekki of þungan - næringarmikinn.

Markmiðið er auðvitað að komast upp í A riðilinn og því þurfum við að halda einbeitingu allann tímann.

kveðja,
Ívar

Leikurinn á móti Skallagrím

Leikurinn á móti Skallagrím verður á morgun, þriðjudag, kl. 20.45 á Ásvöllum. Mæting er kl. 20.15. Þar sem  leikurinn er svona seint þá munum við hita upp á göngunum. Allir verða að vera tilbúnir kl. 20.30.

kveðja,
Ívar

Leikurinn á Selfossi

Mæting á Ásvelli kl. 12.00. Þeir sem ætla að keyra eru Gísli, Hafdís og Gulli. Það borga allir 1.000 kr. í bensin og láta bílstjóra fá peninginn. Ég kem svo á Selfoss um kl. 13.00 og verð með búninga fyrir þá sem þurfa.

kveðja,
Ívar

Æfing í kvöld á Ásvöllum kl 21 - 22

Æfing verður á Ásvöllum kl. 21.00 - 22.00 á Ásvöllum. Ástæðan fyrir þessu er sú að það er leikur hjá drengjaflokki kl. 19.30 á Ásvöllum og ég næ því ekki að koma á æfinguna kl. 20.00 í Hraunvallaskóla. Að auki er mun betra að vera að æfa á Ásvöllum.

kveðja,
Ívar

Leikur við FSU á sunnudag

Leikurinn við FSU verður næsta sunnudag, 11 nóv. kl. 14.00 í íþróttahúsinu Iðu á Selfossi.
Nánar um þetta síðar í vikunni.

Leikurinn á móti Skallagrím verður settur á síðar í vikunni

kveðja,
Ívar

Leikirnir sem við eigum eftir að spila

Verið er að vinna í því að finna tíma til að spila þessa tvo leiki sem við eigum eftir að spila. Líklega munum við spila við FSU á sunnudaginn. Þetta kemur í ljós á morgun og þá mun ég setja inn nánari fréttir. Heimaleikurinn okkar á móti Skallagrím verður væntanlega þá annan sunnudag.

kveðja,
Ívar

Söludagur á ERREA fatnaði

Söludagur verður á Errea fatnaði á Ásvöllum. Seldar verður keppnisbúningurinn okkar, innanundirbuxur, treyjur, buxur, húfur o.fl. Foreldrar geta komið og keypt merktan Haukafatnað svo allir líti nú vel út í stúkunni.

Salan verður á fimmtudaginn 1. nóv. kl. 17.00 - 19.00 og líka á mánudaginn 5. nóv á sama tíma.

kveðja,
Ívar

Mæting kl. 10.00 á Ásvelli á sunnudegi

Það er mæting kl. 10.00 á Ásvelli og farið á Borgarnes og spilaðir tveir leiki. Ég fer á bíl, pabbi Antons og Gulla líka. Það komast örugglega einvherjir foreldrar með.

kveðja,
Ívar

Æfing á föstudag verður kl. 18.00

Æfingin á föstudag verður kl. 18.00 - 19.15 í Bjarkarhúsinu. Breytingin er vegna þess að mfl. karla er að spila sinn fyrsta heimaleik í vetur á Ásvöllum og ég hefði viljað að allir strákarnir mættu á þann leik.

Ef iðkandi mætir í Haukabúning á leikinn þá fá foreldrar/forráðamenn (2 aðilar) frítt á leikinn. Því væri frábært ef allir strákarnir færu í Haukabúning á leikinn og tækju foreldra/forráðamenn með sér á leikinn.

kveðja,
Ívar

Fjölliðamót um helgina

Nú er loksins eitthvað komið um mótið sem á að vera um helgina. Því miður hefur KKÍ ekki náð að finna laust íþróttahús fyrir þetta mót og því eru bara spilaðir tveir leikir á sunnudeginum og svo spilum við einn heimaleik og einn útileik - á eftir að setja tíma á þá leiki.

Sunnudagurinn 28.11.2012 - spilað í Borgarnesi
kl. 12:30 Haukar - Grindavík
kl. 15:00 Haukar - Stjarnan

Við munum svo fá heimaleik á móti Skallagrími/Reykdælum og útileik á móti FSU/Hrunamenn. Það má búast við að þessir leikir verði spilaðir í næstu viku eða um næstu helgi.

Við munum fara á bílum og væri gott ef þeir foreldrar sem ætla/geta farið á bíl á sunnudeginum verði í sambandi við mig hið fyrsta. Við þyrftum að leggja af stað frá Ásvöllum um kl. 10:00.

kveðja,
Ívar
s: 8612928

Áríðandi tilkynning - Æfingagjöld

ÆFINGAGJÖLD – ÍTREKUN

Kæru forráðamenn

Þeir sem ekki hafa greitt æfingagjöld barna sinna fyrir 1.nóv. fá ekki að
keppa fyrir hönd félagsins.

Unglingaráð Hauka

Æfing í dag kl. 13:45 á Ásvöllum

Æfing verður í dag á Ásvöllum um kl. 13:45 á Ásvöllum. Æfingin mun væntanlega verða til kl. 15.00 en mögulega get ég verið með tímann aðeins lengur, kemur í ljós á æfingunni.

kveðja,
Ívar

Æfingaleikur við Breiðablik

Æfingaleikur við Breiðablik verður á fimmtudaginn (morgun) kl. 17.00 - 18.00 í Smáranum. Það er mæting kl. 16.40 og hitum upp á ganginum þannig að við getum byrjað leikinn kl. 17.00.

kveðja,
Ívar

Fjölliðamót um næstu helgi

Því miður er ekki enn komið neitt um mótið sem við eigum að spila um næstu helgi. Ég set inn upplýsingar um leið og þær koma inn hjá KKI.

kveðja,
Ívar

Engin æfing á sunnudag

Æfing á sunnudaginn, 21. okt. fellur niður vegna fjölliðamóts sem er í húsinu.

kveðja,
Ívar

Breyting á æfingu á föstudögum

Æfingar á föstudögum munu framvegis verða í Bjarkarhúsinu, á sama tíma, eða kl. 19.00 - 20.20.

kveðja,
Ívar

Æfingaleikur við Keflavík

Við getum spilað við Keflavík á þriðjudag kl. 16.00. Spurning er bara hvort drengirnir eru búnir nógu snemma í skólanum og hvort einhverjir foreldrar geti keyrt í leikinn. Við þyrftum að leggja af stað kl. 15.30.
Endilega svarið á þessari umræðu - sendi líka póst á foreldra. Ég þarf að svara Keflvíkingum í kvöld

kveðja,
Ívar

Æfingaleikur við Keflavík

Æfingaleikur við Keflvíkinga verður ekki fyrr en á þriðjudag í næstu viku. Ég veit nánar um tímasetningu um helgina og skelli því á bloggið um leið og ég fæ frekari upplýsingar.

Æfingar verða því skv. töflu á sunnudag, kl. 13.00 - 14.00

kveðja,
Ívar

Styrktaræfingar á mánudögum

það verða styrktaræfingar á mánudögum frá kl. 17:45-18:45 í lyftingasalnum á Ásvöllum. Mikilvægt er að allir mæti á þessar æfingar.

kveðja,
Ívar

Æfing á morgun - sunnudag kl. 13.00

Æfing á sunnudag verður kl. 13.00 - 14.00 og mun verða á þessum tíma í vetur.

kveðja,
Ívar

Foreldrafundur

Foreldrafundur verður í kvöld kl. 19.45 á Ásvöllum. Farið verður yfir nýtt skráningarkerfi vegna ársgjalda, farið yfir mót vetrarins og áherslur á þessum vetri.

kveðja,
ívar

Þríhyrningssóknin - myndbönd

Þessi video sýna triangle sóknina í leik.

http://www.youtube.com/watch?v=Hb59fJ4Rb_o&feature=feedf

http://www.youtube.com/watch?v=asxlzQDj5KA&feature=feedf

http://www.youtube.com/watch?v=ALeAu_dBjds&feature=feedf

http://www.youtube.com/watch?v=aJ7QMNUFqMw&feature=related

Kveðja,
Ívar

Æfing á morgun 16. september fellur niður

Æfing á morgun 16. september fellur niður.  Bætt verður inn æfingu síðar.
Ívar þjálfari

Æfing fellur niður, önnur í staðinn

Æfing föstudaginn 7. Sept.  fellur niður en í staðinn verður æfing laugardaginn 8. Sept. á Ásvöllum frá kl. 11.30 – 13.00.

Aukaæfing verður síðan næsta mánudag, þann  10. Sept. kl. 19.30 – 21.00 á Ásvöllum.

Ég verð því miður ekki á æfingu á laugardag né á sunnudag en annar þjálfari mun koma í minn stað. Ég mæti svo á aukaæfinguna á mánudaginn.
Ívar

Fyrsta æfing vetrarins 4. september

Æfingar byrja samkvæmt tölfu þriðjudaginn 4. september.

Þriðjudagar kl. 20:00-21:00, Hraunvallaskóli
Fimmtudagur kl. 15:30-16:20, Ásvellir
Föstudagur kl. 19:00-20:20, Hraunvallaskóli
Sunnudagur kl. 15:00-16:00, Ásvellir

Haukadagur 1. september

Á laugardaginn er Haukadagur í íþróttahúsinu á Ásvöllum frá kl. 13:00-16:00.  Hægt verður að kynna sér allar æfingatöflur félagsins og taka þátt í þrautum í salnum.  Einnig verður boðið upp á kaffi og vöfflur og ýmsilegt fleira.  Allir að láta sjá sig fullornir og börn.  Sjáumst hress á laguardaginn.

Sumaræfingar

Í sumar verða æfingar með svipuðu sniði og var gert í fyrrasumar og gekk það mjög vel. Þetta verða tvær 120 mín. æfingar (báðir salir á Ásvöllum) í viku, í 10 vikur.  Inniæfingarnar verða frá kl. 16.00 – 18.00, þriðjudaga og fimmtudag. Á miðvikudögum verður svo styrktaræfing undir handleiðslu Kristjáns Ómars, samtals þrjár æfingar í viku í 10 vikur. Fyrir þessar 10 vikur (30 æfingar samtals) þá þarf að greiða 15.000 kr. + skráning í íbúagáttina. Þetta er 500 kr. fyrir hverja æfingu ef alltaf er mætt.  Ekki er hægt að greiða minna en þetta, þó svo að krakkar geti ekki mætt allan tímann – einungis eitt gjald.

Þessar sumaræfingar eru fyrir krakka sem eru að byrja í 7 bekk á næsta ári (fædd árið 2000) og til unglinga fædda árið 1995. Ljóst er að margir iðkendur sem fæddir eru 1995 og 1996 verða að vinna á þessum tíma og komast ekki á þessar æfingar en þeir eru flestir að æfa með mfl. félagsins í sumar.

Byrjað verður þriðjudaginn 5. júní og verða æfingar allar vikur fram að verslunarmannahelgi en það verður frí vika eftir hana, þ.e. frí fyrstu vikuna í ágúst.  Þetta eru 12 æfingar í júní, 13 æfingar í júlí og 6 æfingar í ágúst (sú fyrsta 7. ágúst).

Ívar Ásgrímsson verður yfirþjálfari og auk þess verða 2-3 aðstoðarþjálfarar á öllum æfingum. Krökkunum verður skipt niður eftir aldri og verður reynt að hafa þjálfunina eins einstaklingsmiðaða og hægt er. Lagt er áherslu á bolta- og skotaæfingar og verða allar æfingar gerðar með það í huga að krakkarnir séu alltaf með bolta í höndunum.

Einnig vil ég benda ykkur þjálfurum á það að æfingar fyrir krakka sem fædd eru árið 2000 og fyrr (12 ára og yngri á árinu) eru með æfingar í gegnum íþróttaskóla Hauka. Við erum með körfuboltaæfingar fyrir þessa krakka alla morgna frá kl. 9.00 – 12.00. Þetta verða boltaæfingar og spil og legg ég mikla áherslu á að þau mæti á þessar æfingar. Hægt að sjá nánar á heimasíðu Hauka í næstu viku.

Síðasta æfing vetrarins í dag

Í dag er síðasta æfing vetrarins, sumaræfingar hefjast svo eftir rúma viku.  Frétt um þær koma hér inn fljótlega.

Afreksskóli Hauka

Hauka bjóða upp á metnaðarfullt afreksstarf sem samanstendur af Afreksskóla Hauka, fyrir 9. og 10. bekkinga, og svo Afrekssviði Hauka fyrir framhaldsskólanema úr Flensborg. Skólaveturinn 2012-13 ætlum við að hafa þann háttinn á að opna fyrir umsóknir þannig að allir geta sótt um að fá að taka þátt í þessu afreksstarfi. Fyrri umsóknarfrestur rennur út 1. júní en ef ástæða þykir til þá verður opnað aftur fyrir umsóknir 1.-10. ágúst.

Kynnið ykkur vel allar upplýsingar sem eru að finna á skráningarsíðunni:

https://docs.google.com/spreadsheet/viewform?formkey=dEsycHVaaG82YjlGay1CWTZYZy1OaEE6MQ#gid=0 

Tilkynning frá íþróttastjóra

Uppskeruhátíð yngri flokka körfuknattleiksdeildar verður haldið mánudaginn 14.maí hér í salnum á Ásvöllum.

Hátíðin hefst stundvíslega kl. 18:00 með hinum árlega BOLLAMEISTARA.

Þá verða afhent verðlaun fyrir uppskeru vetrarins og að lokum fá allir grillaðar pylsur og svala.

Allir velkomnir, iðkendur, foreldrar, ömmur, afar og allir hinir.

Fjölmennum (-:.

Uppskeruhátíð

Uppskeruhátiðin fer fram mánudaginn 14. maí á Ásvöllum kl. 18.  Minni jafnframt á að það verða áfram æfingar út maí.

Engin æfing 1. maí

Þriðjudaginn 1. maí verður engin æfing, íþróttahúsið í Hraunvallaskóla er lokað þennan dag.  Næsta æfing er á miðvikudaginn 2. maí kl. 20:00

Vorskemmtun

Venjan er að hafa skemmtun bæði á haustin og vorin, fyrir valinu hjá drengjunum núna var að hafa pizzukvöld og horfa á NBA leik.  Á þriðjudaginn eftir æfingu verður verður pizzukvöld heima hjá þjálfaranum og horft á NBA leik.  Drengirnir geta komið með sér drykk að eigin vali og kostnaðurinn 600 kr. á hvern dreng.

Æfingaleikur við Grindavík 20. apríl

Það verður æfingaleikur við Grindavík föstudaginn 20. apríl á æfingartíma okkar í Bjarkarhúsinu kl. 15:50.  Við reynum að hefja leikinn ekki seinna en kl. 16, minni á að við getum komist í salinn kl. 15:30.

Afmælishlaup Hauka

Afmælishlaup Hauka.

Laugardaginn 14. apríl

Kl: 11:00.

Við hvetjum alla Haukafélaga til að taka þátt í hlaupinu.

Afmælishlaupið er 8,1 km. (Haukar 81 árs 12. apríl 2012). 

Einnig verður boðið upp á 3. km. hlaup.

Útdráttarverðlaun.

Boðið verður upp á ávexti eftir hlaup.

Tilkynning frá íþróttastjóra Hauka (ATH breytt dagsetning)

Söludagar Hummel verða haldnir 16.-18. apríl næstkomandi.
Opið verður frá kl. 17:00-19:00 alla dagana.

Hægt verður að kaupa fótboltabúning, peysur, sokka, buxur, töskur, fótbolta, æfingasett og vindjakka.

Sent verður á foreldra í næstu viku það sem er í boði og verð.

Allur ágóðinn af sölunni mun renna til Hauka.

Breyttur æfingatími sunnudaginn 25. mars

Æfingin sunnudaginn 25. mars verður kl. 14:00-15:00 á Ásvöllum.

Uppgjör helgarinnar

Um helgina fór fram lokamótið í Íslandsmóti 8. fl. karla.  Við fórum í Borgarnes og spiluðum þar fjóra leiki, 2 sigrar og 2 töp.  Ég er virkilega stolltur af strákunum, þeir voru til fyrirmyndar innan sem utan vallar.  Þeir lögðu mikið á sig í öllum leikjunum, börðust eins og ljón og spiluðu á löngum köfum mjög vel.  Þrátt fyrir að tapa 2 leikjum, þá vorum við raun ótrúlega nálægt því að komast upp í A-riðil.  Sá kjarni sem hefur verið að mæta á nánast hverja einustu æfingu undanfarið spiluðu stóran hluta í öllum leikjunum og sýndu að þeir hafa verið að sinna sínum æfingum vel og það mátti glögglega greina framarir hjá þeim hópi.  Nú er bara að fjölga þessum kjarna sem að æfir vel, breikka hópinn og gera enn betur í næstu mótum.

Framundan eru skipulagðar æfingar í rúma 2 mánuði í viðbót, því brýnt að slá ekki slöku við núna, heldur áfram að bæta sig.

Leikir helgarinnar voru eftirfarandi:

Haukar - Stjarnan:  Fyrsti leikur mótsins var á móti Stjörnunni.  Leikurinn fór rólega af stað og lítið skorað í fyrsta leikhluta, vörnin í góðu lagi.  Við leiddum eftir fyrsta leikhluta 6-4.  Í öðrum leikhluta mættum við ekki alveg tilbúnir til leiks og það var eins og okkur vantaði trú á að við gætum unni Stjörnuna.  Stjarnan gekk á lagið og vann 2. leikhluta 0-11 og leiddi því 6-15 í hálfleik.  Í seinni hálfleik byrjuðum við ágætlega og minnkuðum muninn niður í 5 stig, en nær komumst við ekki og leikurinn endaði með öruggum Stjörnunnar 26 - 38.  Stigaskor skiptist eftirfarandi:  Yngvi 11 (víti 1/4), Hilmar P. 4, Siggi 4 (víti 0/4), Magni 3, Kári 2 og Anton 2, Gulli (víti 0/2).  Vítanýtingin var slök eða 1 af 10, 10%.

Haukar - KRb:  Strákarnir mættu vel tilbúnir í þennan leik og komust í 11-2 og enduðu 1. leikhluta 13-6.  Leikurinn jafnaðist aðeins í öðrum leikhluta, en áfram héldum við nokkuð þægilegu forskoti og var staðan í hálfleik 23-15.  KR-ingar söxuðu á forskotið í þriðja leikhluta og náðu að minnka muninn í 2 stig, 30-28.  En þá sögðu okkar strákar hingað og ekki lengra og spýttu í lófana svo um munaði, skoruðu næstu 7 stigin og leiddu 37-30 fyrir loka leikhlutann.  Í fjórða leiklutanum gekk svo allt upp, við skoruðum 23 stig og fengum einungis á okkur 6 stig.  Leikurinn vannst því örugglega 60-36, frábær leikur.  Baráttan, hvernig við leystum pressuna, hraðaupphlaupin sem skiluðu mörgum einföldum körfum og hvernig við hlupum til baka og gáfum engar auðveldar körfur var allt til fyrirmyndar í þesum leik, allir skiluðu frábæru hlutverki í þessum leik.  Stigaskorið var eftirfarandi:  Anton 28 (víti 6/6), Siggi 13(víti 1/2), Kári 6 (víti 0/1), Daði 5 (víti 0/2), Yngvi 4, Eiður 2 og Magni 2.  Vítanýtingin var líka mjög flott í þessum leik eða 7 af 11eða 64%.

Haukar - Reykdælir:  Fyrsti leikhluti var mjög jafn, við skorum að vísu fyrstu 4 stig leiksins, en Reykdælir svar með því að skora næstu 5 stig og breyta stöðunni í 4-5, leikhlutinn endar síðan í 9-8 okkur í vil.  Í öðrum leikhluta mættum við virkilega ákveðnir til leiks, spiluðum frábæra vörn sem skilaði sér í auðveldum körfum í kjölfarið.  Leikhlutinn vannst 12-2 og við leiddum því í hálfleik 21-10.  Seinni hálfleikurinn var með sama sniði, vörnin var mjög sterk allan leikinn og dugnaðurinn skilaði því mörgum hraðaupphlaupum og auðveldum körfum, þriðji leikhluti endaði 34-16 og svo öruggur sigur 44-23.  Þessi leikur ásamt sigrinum á móti KR eiga það sammerkt að vörnin var frábær og því gáfust margir möguleikar á auðveldum körfum úr hraðaupphlaupum í kjölfarið.  Frábær leikur.  Stigaskorið var eftirfarandi:  Anton 16 (víti 1/3), Yngvi 8, Siggi 8 (víti 2/5), Daði 6 og Kári 6 (víti 0/1).  Vítanýtingin var þó slök í þessum leik eða 3 af 9 eða 33%.

Haukar - Fjölnir:  Þegar hér var komið við sögu var ljóst að þessi leikur yrði úrslitaleikur mótsins um hvort liðið kæmist upp í A-riðil.  Leikurinn fór vel af stað fyrir okkur, en við skoruðum fyrstu 4 stig leiksins.  En þá fór þeirra besti maður í gang og áttum við í erfiðleikum með að stoppa hann, fyrsti leikhluti endaði 8-12.  Vörnin var okkar aðalsmerki í öðrum leikhluta og jöfnuðum við leikinn í 12-12.  Í sóknini gekk okkur hins vegar ekki sem skyldi og hálfleikstölurnar voru 12-15, allt opið.  Í þriðja leikhluta voru við þó ekki tilbúnir þegar hann fór af stað.  Fjölnir gekk á lagið og skoruðu 13 stig á móti 2 fyrstu mínúturnar og breyttu stöðunni í 14-28, 14 stiga munur og útlitið ekki bjart.  Við gerðum þó vel og minnkuðum muninn niður í 5 stig áður en þriðja leikhluta lauk og staðan fyrir loka leikhlutann var 29-34.  Í fjórða leikhluta juku Fjölnismenn muninn aftur og komust mest 10 stigum yfir.  Við sýnum þó mikinn karakter og minnkuðum muninn niður í 3 stig þegar innan við 1 mínúta var eftir af leiknum.  Leiknum lauk þó með flatuþrist frá Fjölni og 6 stiga sigri 39-45.  Þrátt fyrir tap geta okkar drengir verið stolltir af sínu framlagi í þessum leik, sem og helginni allri.  Stigaskorið var eftirfarandi:  Yngvi 20 (víti 0/2), Daði 7, Anton 6, Siggi 4 (víti 2/6) og Kári 2 (víti 0/4).  Vítin rötuðu ekki rétta leið í þessum leik og var það okkur dýrkeypt þegar uppi var staðið, vítanýtingin var 2 af 12 eða 17%

Á heildina litið getum við verið ánægð með afrakstur helgarinnar.  Strákarnir lögðu sig alla fram og hlífðu sér hvergi.  Unnu 2 flotta stóra sigra og með smá heppni í lokaleiknum hefð hlutskipti okkar verið að vinna riðilinn.  Við þurfum því að halda áfram á sömu braut, mæta vel á æfingar og leggja okkur fram þar, því það skilar síðar árangri í komandi keppnum.

Íslandsmótið 10-11 mars - mæting kl. 8 Ásvöllum

Íslandsmótið helgina 10. - 11. mars fer fram í Borgarnesi, leikjaniðurröðunin er eftirfarandi:

Laugardagur
8:05 Lagt af stað frá Ásvöllum
10:00 Haukar - Stjarnan
12:00 Haukar - KRb

Sunnudagur
8:05 Lagt af stað frá Ásvöllum
10:00 Haukar - Reykdælir
12:00 Haukar - Fjölnir

Gestaþjálfaravika

Næstu 3 æfingarnar verða undir stjórn annars þjálfara.  En eftirfarandi aðilar munu stýra þessum æfingum:

• Miðvikudagur 29. febrúar, kl. 20:00-21:30, Pétur Rúðrik Guðmundsson
• Föstudagur 2. mars, kl. 16:00-17:00, Ívar Ásgrímsson
• Sunnudagur 4. mars, kl. 17:30-19:00, Henning Henningsson

Haukar - Keflavík, æfingaleikurinn í dag

Það voru 7 sprækir Haukastrákar sem mættu í æfingaleikinn á móti Keflavík, Anton, Daði, Ernir, Kári, Magni, Siggi og Yngvi.  Við byrjuðum ragir og smeykir við lið Keflavíkur, sem að pressuðu okkur og ýttu okkur út úr stöðum.  Keflavík náði því góðu forskoti í fyrsta leikhluta.  Alls voru spilaðir 6 tíu mínútna leikhlutar, þar sem leiktíminn skiptist jafnt á milli allra 7 leikmannanna.  Ef undanskilinn er fyrsti leikhlutinn þá var leikurinn nánast jafn.  Strákarnir sýndu mikinn karakter og spiluðu  vel síðustu 5 leikhlutana.  Strákarnir létu ekki lengur ýta sér, heldur tóku vel á móti þeim.  Spiluðu enn fastar í vörninni, sem gerði Keflvíkingunum oft á tíðum erfitt fyrir.  Þegar uppi var staðið var leikurinn jafn í 5 af þessum 6 leikhlutum, sem er vel að verki staðið á móti liði sem hefur verið í öðru og þriðja sæti A riðils í vetur.

Æfingaleikur á sunnudaginn

Nk. sunnudag verður æfingaleikur við Keflavík á æfingunni okkar kl. 11:30 - 13:00 á Ásvöllum.

Bikarúrslit í handbolta, Haukar - Fram

Nú nálgast stóra stundin óðum hjá Haukafjölskyldunni, á laugardag kl.16:00 leikum við í bikarúrslitaleik karla í handbolta gegn Fram í Laugardalshöllinni.

Á heimili okkar í Schenkerhöllinni á Ásvöllum verður mikið um dýrðir og hefst dagskráin kl.12:00 í hádeginu á leikdag. Boðið verður upp á leiki og sprell fyrir krakkana ásamt andlitsmálun. Haukabolir í barna- og fullorðinsstærðum verða seldir á 500 kr. og síðast en ekki sýst verður forsala aðgöngumiða á leikinn. Miðinn fyrir 13 ára og eldri kostar 1500 kr. en frítt er fyrir 12 ára og yngri.

Að dagskrá lokinni um kl.14:30 býður Hafnarfjarðarbær stuðningsmönnum Hauka upp á fríar rútuferðir á leikinn og til baka á Ásvelli eftir leik!

Mætum öll og eigum saman gleðilegan dag og styðjum strákana okkar til sigurs!

Æfing sunnudaginn 26. febrúar kl. 11:30-13:00

Það var fámennt en góðmennt hjá okkur á æfingu síðast liðinn sunnudag.  Eins og kom fram hér á blogginu eru sunnudags æfingarnar í febrúar á öðrum tíma en venjulega.  Næst komandi sunnudag, 26. febrúar, verður æfingin kl. 11:30-13:00 á Ásvöllum.  Aðrar æfingar í vikunni eru á sama tíma og venjulega.

Íbúagáttin, tilkynning frá íþróttastjóra

Síðasti dagur til að skrá í íbúagáttina og fá styrk fyrir vorönn er á morgun 15.feb. á miðnætti.

Um að gera að nýta sér þennan góða styrk frá Hafnarfjarðarbæ.

Undanúrslit í bikar, Njarðvík - Haukar

Það verða sætaferðir frá Ásvöllum kl. 18:30 á leik Njarðvíkur og Hauka í undanúrslitum Powerade bikarsins.  Leikurinn fer fram í Njarðvík.

Æfing á morgun sunnudag kl. 10

Æfingin á morgun sunnudaginn 12. febrúar verður kl. 10:00 - 11:00 á Ásvöllum.

Íbúagáttin opin 1.-15. febrúar

Munið að skrá strákana í íbúagáttina vegna niðurgreiðslu bæjarins á æfingagjöldunum.  Íbúagáttin opnaði þann 1. febrúar og er opin til og með 15. febrúar, skráningin er fyrir æfingatímabilið janúar - maí 2012 (sjá nánar hafnarfjordur.is).

Haukar - Sindri

Í dag fór fram frestaði leikurinn á móti Sindra.  Leikurinn var úrslitaleikur um hvort liðið tækist að komast upp í B-riðil.

Leikurinn fór hægt af stað og gekk okkur nokkuð erfiðlega að koma boltanum ofan í körfuna, þrátt fyrir góð færi oft á tíðum.  Staðan eftir fyrsta leikhluta var 5-5, leikur hinna sterku varna.  Sama var uppi á teningnum í öðrum leikhluta, sóknin var stirð, en vörnin var í ágætu lagi.  Sindra menn skoruðu þó nokkrar góðar körfur og leiddu í hálfleik 8-12, lítið skorað.  Í seinni hálfleik áttum við ágæta rispu og náðum að komast yfir 15-14.  En Sindra menn áttu síðasta hluta þriðja leikhlutans og skoruðu 8 stig í röð, þar af 2 3ja stiga körfur.  Útlitið var því ekkert allt of bjart, en Sindri leiddi með 7 stigum fyrir síðasta leikhlutann eða 15-22.  Sá munur hélst sá sami fyrstu mínúturnar, en síðan fóru okkar drengir smám saman að saxa á forskotið.  Við náðum að minnka muninn í 1 stig í stöðunni 25-26.  Sindri bætti við svo 1 stigi og jók muninn í 2 stig og um 2 mínútur eftir af leiknum.  Við skoruðum þó síðustu 4 stig leiksins og tókst að innbyrða sætan sigur og tryggja okkur upp um riðil.  Strákarnir hafa oft leikið betur og skotin oft ratað betur ofan í körfuna.  En baráttan og viljinn til að vinna vantaði alls ekki.  Það var því fyrst og fremst baráttan sem skilaði sigrinum í lokin.  Vítanýtingin okkar var ekki góð í leiknum, en við nýttum ekki nema 3 af 12 vítum, eða 25%, þar af fóru öll 6 vítin forgörðum í lok leiksins.  Stigin skiptust eftirfarandi:  Siggi 10, Anton 6, Yngvi (Óskars) 6, Daði 2, Ernir 2, Logi 2 og Kári 1.  Vert er að endurtaka það að allir 11 strákarnir sem tóku þátt í leiknum sýnda frábæra baráttu og hvöttu liðið hvort sem þeir voru inná vellinum eða ekki.

Frestaði leikurinn við Sindra

Við munum spila við Sindra laugardaginn 4. febrúar kl. 12:15 í Bjarkarhúsinu.  Það er mæting kl. 11:45 og við komumst í salinn kl. 12:00.

Mikilvægt að fá góða mætingu á æfingarnar sem eru framundan.  Það voru ekki nema 7 sem að mættu á æfingu í gær.

Breytingar á æfingatíma sunnudaga í febrúar

Það hliðrast til æfingatími alla sunnudaga í febrúar, æfingarnar verða á eftirfarandi tímum:

5. feb 18:00-19:00
12. feb 10:00-11:00
19. feb 10:00-11:15
26. feb 11:30-13:00

Allar ofangreindar æfingar verða á Ásvöllum.

Íslandsmótið 28. janúar

Árangur gærdagsins var frábær 3 sigrar í 3 leikjum.  Það var ánægjulegt að sjá hvað drengirnir voru tilbúnir að leggja sig fram og baráttan var til fyrirmyndar.  Hér að neðan greini ég frá stigaskori í hverjum leik og á heildina litið.  Ég vil þó sérstaklega taka fram að stigaskorið er ekki eini mælikvarðinn á hversu vel drengirnir stóðu sig.  Það voru margir drengir sem sýnda frábæra baráttu, frábæran varnarleik og skutluðu sér á alla lausa bolta.  Slíka frammistöðu er ekki hægt að geta í tölum hér að neðan, en er okkur ómetanleg og skilaði okkur þessum árangri í gær.

Haukar - Fjölnir b:  Leikurinn fór hægt að stað hjá okkar drengjum og ekki laust við að vottaði fyrir vanmati á að mæta b-liði.  Fjölnir b spilaði vel, börðust vel og gerðu okkur erfitt fyrir, og leiddu eftir fyrsta leikhluta 9-12.  Í öðrum leikhluta náðum við að herða á vörninni og fengum fleiri auðveldar körfur í kjölfarið.  Í hálfleik vorum við komnir með 3ja stiga forskot eða 17-14.  Í seinni hálfleik sýndum við okkar rétta andlit og Fjölnir b smám samam gáfust upp.  Staðan eftir 3ja leikhluta var 29-19.  Áfram héldum við að bæta í og leikurinn endaði 43-24 eða 19 stiga sigur.  Stigaskorið var eftirfarandi:  Anton 13, Kári 12, Yngvi 8, Siggi 4, Logi 2, Daði 2 og Bjarki 2.  Við fengum engin vítaskot í þessum leik.

Haukar - Valur:  Varnarleikurinn var áfram sterkur hjá okkur og Valur komst lítt áleiðis að körfunni okkar.  Staðan eftir fyrsta leikhluta var 8-0.  Annar leikhluti var á svipuðum nótum, við bættum þó í sóknarleikinn og náðum að hlaupa á þá og fá auðveldar körfur.  Staðan eftir annan leikhluta var 27-4.  Í þriðja leikhluta má segja að leikurinn hafi endanlega klárast og við leiddum 41-6.  Í fjórða leikhluta voru lykilleikmenn hvíldir meira og minna allan leikhlutann.  Þeir sem að komu inná nýttu tækifærið sitt vel og kláruðu leikinn með sóma, sem endaði 57-15.  Stigaskorið dreifðist vel:  Yngvi 11, Daði 8, Kári 8, Anton 8, Logi 8, Jökull 4, Aron Ás 4, Siggi 4 og Bjarki 2.  Vítanýtingin okkar var hins vegar slök, en kom ekki að sök við hittum úr 1 af 6 eða 17%.

Haukar - Snæfell:  Snæfellsliðið hefur á að skipa hæfileikaríkum kröfuboltastrákum, því mátti fyrirfram búast við hörkuleik sem varð raunin.  Í fyrsta leikhluta vorum að sýna frábæran varnarleik og náðum að halda Snæfellingum í 2 stigum.  Sóknarleikurinn var hins vegar ekki upp á það besta.  Leikhlutinn endaði 6-2 okkur í vil.  Í öðrum leikhluta slaknaði á vörninni og Snæfellingar gengu á lagið, skoruðu á okkur 10 stig í röð og breyttu stöðunni í 6-12.  Strákarnir sýndu á þá mikla baráttu og náðu að loka á þá í vörninni og skora 7 síðustu stig leikhlutans.  Í hálfleik var því staðan 13-12.  Í þriðja leikhluta voru Snæfellingar ávallt skrefi á undan okkar drengjum, en við þó alltaf skammt undan.  Staðan eftir 3ja leikhluta var 27-29.  Í 4ja leikhluta þegar að staðan var 34-34, tókum við leikhlé og settum inn pressuvörn sem við höfum æft undanfarið.  Snæfellingarnir voru farnir að þreytast, enda spila á færri mönnum en við.  Pressuvörnin tókst framar vonum og við skoruðum 11 stig í röð og breyttum stöðunni í 45-34.  Snæfellingarnir gáfust þó ekki upp og náðu að minnka muninn í 3 stig þegar um mínúta var eftir af leiknum.  Þeir þurftu þó að brjóta á okkur og var það hlutverk Daða að fara á vítalínuna í restina og sýndi hann stál taugar með því að setja öll 4 vítaskotin sín niður og klára leikinn 51-44.  Stigaskorið var eftirfarandi:  Anton 21, Yngvi 8, Siggi 7, Daði 6, Kári 4, Eiður 2, Logi 2 og Magni 1.  Vítanýtingin var þokkaleg en mætti vera betri, en við hittum úr 8 af 18 skotum eða 44%.

Samantekt:
Leikkerfið var vel spilað og skilaði stóru mönnunum okkar mörgum stigum
Náðum mörgum sóknarfráköstum sem skiluðu fleiri skottilraunum og stigum
Góður varnarleikur, sem gaf mörg tækifæri á hröðum sóknum.
Mörg hraðaupphlaup, m.a. út af góðum varnarleik
Fyrirmyndar barátta og vinnusemi
Pressuvörnin tókst vel, fyrsta skipti sem henni er beitt
Vítanýtingin hefði þó mátt vera betri, en hún var 38%

Framundan eru áframhaldandi æfingar og við ætlum ekki að staldra of lengi við þessa helgi og fagna.  Heldur þurfum við áfram að æfa vel og stefna en hærra í næstu keppni.  Ég geri ráð fyrir að Sindri komi í heimsókn um næstu helgi og spili sína leiki.  Ef við náum sigri þar, þá spilum við í B-riðli í mótinu í mars.  Takmarkið er að gera enn betri hluti þar, en til þess þarf fyrst að klára leikinn um næstu helgi.  Ég vil því hvetja alla drengina að vera duglegir að mæta á næstu æfingar.

Frí á æfingu í dag 29. janúar

Frí á æfingu í dag 29. janúar

Breyting, Íslandsmótið 28. janúar

Það er breyting á dagskrá helgarinnar.  Sindri frá Hornafirði komast ekki til Reykjavíkur, þannig að við spilum 3 leiki um helgina og við Sindra líklega næstu helgi.  Allir leikirnir helgarinnar fara fram á laugardag, fyrsti leikur verður áfram kl. 12:30 og mæting kl. 11:45

Leikjadagskráin er eftirfarandi:

12:30 Haukar - Fjölnir b

14:30 Haukar - Valur

16:30 Haukar - Snæfell

Íslandsmótið 28.-29. janúar 2012

Í fréttinni hér fyrir neðan má sjá leikjaniðurröðunina.  Allir drengirnir sem hafa verið að æfa eru í liðinu, en þeir sem hafa verið duglegir að mæta á æfingar munu njóta góðs af því og fá meiri spilatíma.

Það er mæting í Rimaskóla 11:45 á laugardag og 9:15 á sunnudag.  Ég vil að allir séu tilbúnir, klæddir í búning hálftíma fyrir leik.  Eftirfarandi þarf að hafa með sér um helgina:

• Keppnisbúning (þeir sem eiga ekki búning, fá búning hjá mér.)
• Skór og sokkar
• Vatnsbrúsi
• Nesti á milli leikja, samloka, ávöxtur eða eitthvað annað holt (ekki sælgæti eða gos)

Ef einhver á vandræðum með að komast í Rimaskóla, hafið samband við mig eða annað foreldri sem fer á bíl.

Íslandsmótið 28.-29. janúar

Íslandsmótið helgina 28.-29. janúar fer fram í Rimaskóla í Grafarvogi.  Leikjaniðurröðunin er eftirfarandi:

Laugardagur
kl. 12:30  Haukar - Fjölnir b
kl. 15:30  Haukar - Valur

Sunnudagur
kl. 10:00  Haukar - Sindri
kl. 13:00  Haukar - Snæfell

Æfing laugardaginn 14. janúar

Það verður æfing laugardaginn 14. janúar kl. 15:00-16:30 í Hraunvallaskóla.  En æfingin sunnudaginn 15. janúar fellur niður.

Breyting á æfingatíma sunnudaginn 8. janúar

Æfingin á sunnudaginn 8. janúar verður kl. 15:00 á Ásvöllum.